ନୂଆଦିଲ୍ଲୀ ,୧୦/୨(ଡିଏଚ) : ଶ୍ରୀଲଙ୍କା ପ୍ରଧାନମନ୍ତ୍ରୀ ମହିନ୍ଦା ରାଜପକ୍ଷ ଆଜି ସନ୍ଧ୍ୟାରେ ନୂଆଦିଲ୍ଲୀଠାରେ ପହଞ୍ଚିଛନ୍ତି । ଆମ ପ୍ରଧାନମନ୍ତ୍ରୀଙ୍କ ନିମନ୍ତ୍ରଣରେ ଫେବୃଆରୀ ୮ ରୁ ୧୧, ୨୦୨୦ ସେ ଭାରତ ଗସ୍ତରେ ଆସିଛନ୍ତି । ଶ୍ରୀଲଙ୍କା ପ୍ରଧାନମନ୍ତ୍ରୀ ଏକ ଉଚ୍ଚସ୍ତରୀୟ ପ୍ରତିନିଧି ଦଳ ସହିତ ଭାରତରେ ପହଞ୍ଚିଛନ୍ତି । ଫେବୃଆରୀ ୮ ଗସ୍ତର ପ୍ରମୁଖ ଦିବସ ହୋଇଥିବା ବେଳେ ଏହି ଅବସରରେ ସେ ପ୍ରଧାନମନ୍ତ୍ରୀ ଶ୍ରୀ ମୋଦୀଙ୍କ ସହ ପ୍ରତିନିଧିମଣ୍ଡଳସ୍ତରୀୟ ଆଲୋଚନା କରିବେ । ସେ ମଧ୍ୟ ଆମ ରାଷ୍ଟ୍ରପତିଙ୍କୁ ସାକ୍ଷାତ କରିବେ । ଏଥିସହିତ ସେହିଦିନ ସକାଳେ ବୈଦେଶିକ ବ୍ୟାପାର ମନ୍ତ୍ରୀ ଶ୍ରୀଲଙ୍କା ପ୍ରଧାନମନ୍ତ୍ରୀଙ୍କୁ ସାକ୍ଷାତ କରିବେ ।
ଦିଲ୍ଲୀରେ ଏହି ଆନୁଷ୍ଠାନିକ କଥାବାର୍ତ୍ତା ପରେ ଶ୍ରୀଲଙ୍କା ପ୍ରଧାନମନ୍ତ୍ରୀ ବାରାଣସୀ, ସାରନାଥ, ବୌଦ୍ଧଗୟା, ତିରୁପତି ପରିଦର୍ଶନ କରିବା ପରେ କଲୋମ୍ବୋ ଫେରିଯିବେ । ଦୁଇ ଦେଶ ମଧ୍ୟରେ ଉଚ୍ଚସ୍ତରୀୟ ଗସ୍ତ କାର୍ୟ୍ୟକ୍ରମ ନିୟମିତ ଭାବେ ଅନୁଷ୍ଠିତ ହୋଇ ଆସୁଛି । ରାଷ୍ଟ୍ରପତି ଗୋଟବାୟା ରାଜପକ୍ଷ ନିର୍ବାଚନରେ ବିଜୟ ହାସଲ କରିବା ପରେ ରାଷ୍ଟ୍ରପତି ଭାବେ ଦାୟିତ୍ଵ ଗ୍ରହଣ କରିଥିଲେ ଏବଂ ଭାରତକୁ ନିଜର ପ୍ରଥମ ସରକାରୀ ଗସ୍ତ ଲାଗି ବାଛି ଥିଲେ ।
