ରାଇଘର,୭/୨(ଡି.ଏଚ) : ନବରଙ୍ଗପୁର ଜିଲ୍ଲା ଅନ୍ତର୍ଗତ ରାଇଘର ବ୍ଲକ ସ୍ଥିତ କୋଷକଙ୍ଗା ଗ୍ରାମରେ ଘଟିଛି ଏକ ହୃଦୟ ବିଦାରକ ଘଟଣା l ଦୁଇ ସାଙ୍ଗଙ୍କ ମୃତ ଦେହ ପଖନାପରା ଗ୍ରାମର ଗୋଟିଏ କୂଅରୁ ଉଦ୍ଧାର ହୋଇଛି l ସୂଚନା ଅନୁସାରେ ରାଇଘର ଗୋନା ଅଞ୍ଚଳ ନିବାସ ପ୍ରକାଶ ପାଣ୍ଡେଙ୍କ ଝିଅ ଲଷ୍ମୀ ପାଣ୍ଡେ ବୟସ ୯ ବର୍ଷ ଓ ପଖନାପରା ନିବାସୀ ସିଯେନ ତିବାରିଙ୍କ ଝିଅ ପଞ୍ଚାବତୀ ତିବାରି ବୟସ ୮ ବର୍ଷ l ଲଷ୍ମୀ ପାଣ୍ଡେ ତାଙ୍କ ମାମୁଙ୍କ ଘରକୁ ଗ୍ରାମ ଯାତ୍ରା ଉପଲକ୍ଷେ ବୁଲିବାକୁ ଯାଇଥିଲେ ଏବଂ ଗତ ୪ ତାରିଖ ମଙ୍ଗଳବାର ଠାରୁ ନିଖୋଜ ଥିଲେ l କୁନ୍ଦେଇ ଥାନାରେ ଏହାର ଏତଲା ଦେବାପରେ ପୋଲିସ ତତ୍ପରତା ସହିତ ରାତି ଦିନ ତଦନ୍ତ ଜାରି ରଖି ଥିଲେ ଏବଂ ଆଜି ସକାଳେ ତାଙ୍କ ଦୁହେଁଙ୍କ ମୃତ ଶରୀର ଗ୍ରାମର ଗୋଟିଏ କୁଅଁରୁ ଠାବ କରିଥିଲେ l ପୋଲିସ ସାଇଂଟିଫିକ ଟିମ ଏବଂ ସନ୍ଧାନି କୁକୁରର ତଦନ୍ତ ପରେ ଶୌଚ କରିବାକୁ ଯାଇ ଏହି ଅଘଟଣ ଘଟିବାର ସୂଚନା ପୋଲିସ ପକ୍ଷରୁ ମିଳିଛି l
