ମୟୁରଭଞ୍ଜ ,୫।୨(ସୀତାରାମ ଦୀକ୍ଷିତ ): ମୟୁରଭଞ୍ଜ ଜିଲ୍ଲା ରାସଗୋବିନ୍ଦପୁର ଥାନା ବୋଧି ଛକ ନିକଟରେ ସଡକ ଦୁର୍ଘଟଣା। ରାସ୍ତାକଡରେ ଛିଡ଼ା ହୋଇଥିବା ଲୋକଙ୍କ ଉପରେ ମାଡିଗଲା ଇଟା ବୋଝେଇ ଟ୍ରକ ଘଟଣାସ୍ଥଳରେ ଜଣେ ମୃତ ଜଣେ ଗୁରୁତର। ମୃତକ ଜଣଙ୍କ ହେଲେ ବଡାମପୁର ଗ୍ରାମର ପଦ୍ମଲୋଚନ ପଣ୍ଡା ଏବଂ ଗୁରୁତର ଜଣଙ୍କ ହେଲେ ରାଜୁ । ତେବେ ଟ୍ରକଟି ଦୁର୍ଘଟଣା ଘଟାଇବା ପରେ ଖସି ଯିବାକୁ ଚେଷ୍ଟା କରୁଥିବା ବେଳେ ଉତ୍ତ୍ୟକ୍ତ ଲୋକେ ଟ୍ରକଟିକୁ ମାଣିଦା ଛକ ନିକଟରେ ଅଟକାଇ ଥିଲେ। ଦୁର୍ଘଟଣା ଘଟାଇ ଥିବା ଟ୍ରକ ଡ୍ରାଇଭର ଘଟଣା ସ୍ଥଳରୁ ଖସି ଯାଉଥିବା ବେଳେ ଉତ୍ତ୍ୟକ୍ତ ଲୋକେ ଡ୍ରାଇଭରଙ୍କୁ ମାଡ ମାରିଥିଲେ । ଦୁର୍ଘଟଣାରେ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ପରିବାର ବର୍ଗକୁ କ୍ଷତିପୂରଣ ଦାବିରେ ବଡାମପୁର ଗ୍ରାମବାସୀ ଫାଣ୍ଡି ସମ୍ମାରେ ରାସ୍ତା ଅବରୋଧ କରିଛନ୍ତି । ବୈଶିଙ୍ଗା-ଝିଙ୍କିରିଆ ରାସ୍ତା ଅବୋରଧ ଫଳରେ ଦୀର୍ଘ ସମୟ ଧରି ଯାନବାହାନ ଚଳାଚଳ ବନ୍ଦ ରହିଛି । ଘଟଣାସ୍ଥଳରେ ଉତ୍ତେଜନା ଦେଖାଦେଇଥିବାରୁ ପୋଲିସ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରୁଛି।
