ପାଇକମାଲ,୨୫/୧(କୁଞ୍ଜ ବିହାରି ସାହୁ):ସରକାର ଗରିବ ଲୋକଙ୍କ ପାଇଁ ଅନେକ ଯୋଜନା କାର୍ଯ୍ୟକାରୀ କରୁଥିବା ବେଳେ ପ୍ରକୃତ ହିତାଧିକାରୀ ସରକାରୀ ସୁବିଧା ସୁଯୋଗରୁ ବଞ୍ଚିତ ହୋଇଥିବା ଅଭିଯୋଗ ହୋଇଛି । ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଳ ବ୍ଳକ ମିଠାପାଲି ଗ୍ରାମ ପଞ୍ଚାୟତ ମନଭଙ୍ଗ (ନୂଆଁଗାଁ) ର ୨ପରିବାର ୨୦୧୮ ମସିହାରେ ଅଦିନିଆ ପ୍ରବଳ ଲଘୁଚାପ ଜନିତ ଲଗାଣ ବର୍ଷାରେ ଘର ଭୁଷୁଡି ପଡିବା ଫଳରେ ସେମାନେ ଅତି ଦୟନୀୟ ଅବସ୍ଥାରେ ଜୀବନ ବିତାଉଥିବା ଦେଖିବାକୁ ମିଳିଛି । ସୂଚନା ଅନୁସାରେ ମନଭଙ୍ଗ ନୂଆଁଗାଁ ର ୨ ପରିବାର ଅତି ଗରିବ ସେମାନେ ହେଲେ ରାମଚନ୍ଦ୍ର ସାହାଙ୍କ ଛୋଟ ଛୋଟ ଚାରି ଝିଅ ଓ ସ୍ତ୍ରୀ ସହ ୬ ଜଣ ପରିବାର ତାଙ୍କ ଭାଇ ଜଗନ୍ନାଥ ସାହା ସ୍ୱାମୀ ସ୍ତ୍ରୀ ଦୁଇଜଣ ରହୁଥିଲେ । ୨୦୧୮ ରେ ହେଇଥିବା ଲଘୁଚାପ ଜନିତ ବର୍ଷାରେ ତାଙ୍କ ଝାଟିମାଟି କୁଡ଼ିଆରେ ରହୁଥିଲେ ହେଲେ ବର୍ଷା ରେ ଘର ସମ୍ପୁର୍ଣ୍ଣ ଭାବରେ ଭୁଷୁଡି ପଡିବା ଫଲ ରେ ସେମାନେ ଛେଳି ଗୁହାଳ ରେ ଅତି ଦୟନୀୟ ଅବସ୍ଥାରେ ଜୀବନ ବିତାଉଛନ୍ତି । ଘର ଖଣ୍ଡିଏ ପାଇଁ ବା ପାଇଁ ସରପଞ୍ଚ , ବିଡିଓ , ଜନପ୍ରତିନିଧି ଙ୍କୁ ଗୁହାରି କରିଥିଲେ ମଧ୍ୟ କୌଣସି ସୁଫଳ ମିଳି ନାହିଁ । ସରକାର ଙ୍କ ୫ଟି ଯୋଜନା କାର୍ଯ୍ୟକାରୀ ସାହା ପରିବାରଙ୍କ ପକ୍ଷେ ଦିଗହରା ହୋଇ ପଡ଼ିଛି । ପ୍ରଶାସନ ସ୍ୱତନ୍ତ୍ର ଦୃଷ୍ଟି ଦେଇ ଦୟନୀୟ ଅବସ୍ଥାରେ ଥିବା ଦୁଇ ଗରିବ ସାହା ପରିବାରଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ଯୋଗାଇ ଦେବାକୁ ଦାବି ।
