ବରାଗୁମ୍ମା,୨୨।୧(ଦୟାନିଧି ପଟନାୟକ): ଗତ ତା ୧୬/୧ ଠାରୁ ତା୩୦/୧/ ୨୦ରିଖ ପର୍ଯ୍ୟନ୍ତ ରାଜ୍ୟ ବ୍ୟାପି ଓଡିଶା ସରକାରଙ୍କ ଜଳସମ୍ପଦ ବିଭାଗ ତରଫରୁ ବିଭାଜନସ୍ତରୀୟ ପାଣିପଞ୍ଚାୟତ ପକ୍ଷ ପାଳନ ଅବସରରେ ଜୟପୁର ଅଧିନସ୍ତ କଣାଗାଁ ଗ୍ରାମର ଥିବା ପୁରୁଣାପାଣି ଷୁଦ୍ର ଜଳସେଚନ ପ୍ରକଳ୍ପ ଠାରେ ବିଭାଜନସ୍ତରୀୟ ପାଣିପଞ୍ଚାୟତ ପକ୍ଷ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ରୂପେ ବୟନ ଶିଳ୍ପ, ହସ୍ତତନ୍ତ୍ର ଓ ହସ୍ତଶିଳ୍ପ ରାଷ୍ଟ୍ରମନ୍ତ୍ରୀ ଶ୍ରୀମତି ପଦ୍ମିନୀ ଦିଆନ ଯୋଗଦେଇଥିଲା ବେଳେ ମୁଖ୍ୟ ବକ୍ତା ଇଂ ଆନନ୍ଦ ଚନ୍ଦ୍ର ସାହୁ ( ମୁଖ୍ୟ ନିର୍ମାଣ ଯନ୍ତ୍ରୀ, ଉପର କୋଲାବ ପ୍ରକଳ୍ପ, ବାରିଣୀପୁଟ ), ସମ୍ମାନୀତ ଅତିଥି ଭାବେ ଜୟପୁର ବିଧାୟକ ଶ୍ରୀଯୁକ୍ତ ତାରାପ୍ରସାଦ ବାହିନୀପତି, କଣାଗାଁ ପଞ୍ଚାୟତ ସୁରପଞ୍ଚ ତିରୁପତି ପୂଜାରୀ, ସମିତି ସଭ୍ୟା ଶ୍ରୀମତି ରଞ୍ଜିତ ବିଶୋଇ ଏବଂ ସମସ୍ତ ଚାଷି ଯୋଗଦେଇଥିଲେ । ଏହି ସଭାର ଆବାହକ ଇଂ ସୁବାଷ ଚନ୍ଦ୍ର ସେଠି ( ନିର୍ବାହୀ ଯନ୍ତ୍ରୀ ), ପ୍ରମୁଖ ଯୋଗଦେଇ ପାଣିର ସଦୁପଯୋଗ ଏବଂ ପାଣି ପଞ୍ଚାୟତର ସଫଳତା ଉପରେ ଚାଷି ମାନଙ୍କୁ ବୁଝାଇଥିଲେ । ଏହି କାର୍ଯ୍ୟକ୍ରମକୁ ପ୍ରଶାନ୍ତ କୁମାର ପାତ୍ର ଆୟୋଜନ କରିଥିଲେ ।
