ପାଇକମାଲ,୯/୧(ଡି.ଏଚ/ କୁଞ୍ଜ ବିହାରି ସାହୁ) : : ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଳ ସ୍ଥିତ ମହାମାୟୀ ପବ୍ଲିକ ସ୍କୁଲର ଲଉଡମାଲ୍ ସ୍ଥିତ ନୂତନ କୋଠରୀ ନିର୍ମାଣ କାର୍ଯ୍ୟ ଚାଲିଥିବା ବେଳେ ଜଣେ ମହିଳାଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ୫୫ ବର୍ଷ ବୟସ୍କା ମହିଳା ନାନକି ବିଶ୍ଵାଳ ପ୍ରତେକ ଦିନ ପରି ଆଜି ମଧ୍ୟ କୁଲି ମଜୁରୀ କାମ କରିବାକୁ ଆସି କାର୍ଯ୍ୟ କରୁଥିଲେ । ଆଜି ସକାଳ ପ୍ରାୟ ୧୦ ଟା ସମୟରେ କାର୍ଯ୍ୟ କରୁଥିବା ବେଳେ ଛାତ ଉପରେ କାମ ଚାଲୁଥିଲା ବେଳେ ହଟାତ ଛାତ ଉପରୁ ତଳେ ପଡି ମହିଳାଙ୍କ ମୃତ୍ୟୁ ହୋଇଯାଇଛି । ସାଙ୍ଗେ ସାଙ୍ଗେ ମହାମାୟୀ ସ୍କୂଲ କତୃପକ୍ଷ ତରଫରୁ ପାଇକମାଳ ସରକାରୀ ଡାକ୍ତରଖାନା ନେଇଥିଲେ । ମହାମାୟୀ ପବ୍ଲିକ ସ୍କୁଲ କର୍ତ୍ତୃପକ୍ଷ ତରଫରୁ ପାଇକମାଳ ଥାନାରେ ଏକ ମାମଲା ରୁଜ୍ଜୁ କରାଯାଇଛି । ପାଇକମାଳ ପୋଲିସ୍ ଘଟଣାସ୍ଥଳକୁ ଯାଇ ତଦନ୍ତ ଜାରି ରଖିଥିବା ଜଣାଯାଇଛି ।
