ପାଇକମାଲ,୨୧/୧୨,(ଡି.ଏଚ/କୁଞ୍ଜ ବିହାରି ସାହୁ) : ପାଇକମାଳ ବ୍କକ କେନାବୁଦା ଗ୍ରାମର ଅଜୟ ସାହୁ ଜଣେ ଗରିବ ବିପିଏଲ ହିତାଧିକାରୀ ବ୍ଯକ୍ତି ଅଟେ। ତାଙ୍କର ଏକ ମାତ୍ର ଶିଶୁ କନ୍ୟା ସୌଦାମିନୀ ସାହୁ ୮ ବର୍ଷ ହେବ। ସେ ଜଣେ ଶତ ପ୍ରତିଶତ ଭିନ୍ନକ୍ଷମ ଶିଶୁ ଅଟେ। ତାର ମେରୁ ଦଣ୍ଡ ଦୁର୍ବଳ ହେତୁ ମୁଣ୍ଡ ଟେକି ପାରୁ ନାହିଁ। ଡାକ୍ତର ମାନଙ୍କର ପରାମର୍ଶ ଦ୍ବାରା ଜଣା ପଡୁଛି ଯେ ଉପଯୁକ୍ତ ଚିକିତ୍ସା କଲେ ତାହା ଠିକ୍ ହେବ। କିନ୍ତୁ ସେ ଗରିବ ହୋଇ ଥିବାରୁ ଅର୍ଥାଭାବରୁ ଚିକିତ୍ସା କରି ପାରୁ ନାହାନ୍ତି। ପ୍ରଶାସନ ଯଦି କୌଣସି ଯୋଜନାରୁ ଆର୍ଥିକ ସହାୟତା ମିଳେ ତେବେ ଚିକିତ୍ସା କରିପାରନ୍ତା। ପାଇକମାଳ ବ୍କକ ଠାରେ ବାରମ୍ବାର ଭିନ୍ନକ୍ଷମ ଭତ୍ତା ପାଇଁ ଆବେଦନ କଲେ ମଧ୍ଯ କିଛି ସୁଫଳ ମିଳି ପାରି ନାହିଁ। ଏହି ଭିନ୍ନକ୍ଷମ ଶିଶୁର କନ୍ଯା ଭତ୍ତା ପ୍ରଦାନ ଓ ଉପଯୁକ୍ତ ଚିକିତ୍ସା ଦିଗରେ ପାଇକମାଳ ବିଡିଓ ଦୃଷ୍ଟି ଦେବାକୁ ଦାବି ହେଉଛି ।
