ପାତ୍ରପୁର,୨୧/୧(ଡି.ଏଚ ବ୍ୟୁରୋ):-ଗଞ୍ଜାମ-ଗଜପତି ସୀମାନ୍ତ ଜରଡ଼ା ଥାନା ଅନ୍ତର୍ଗତ ବଣିଆବସା କାନକଟା ଘାଟିରେ ଭାରସାମ୍ୟ ହରାଇ ଓଲଟିଲା ଘରୋଇ ମିନିବସ୍ । ଘଟଣାସ୍ଥଳରେ ୨ଜଣଙ୍କର ମୃତ୍ୟୁ ଘଟିଥିବା ବେଳେ ୧୫ରୁ ଅଧିକ ଆହତ ହୋଇ ପାତ୍ରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି । ମୃତକଙ୍କ ମଧ୍ୟରୁ ଜଣେ ମୋହନା ବ୍ଲକ୍ ଶିକୁଳିପଦର ଗ୍ରାମର ସରସ୍ୱତୀ ବାଗସିଂ (୧୬) ଓ ଦିଗପହଣ୍ଡି ବ୍ଲକ୍ ଭ୍ରମରପୁର ପଞ୍ଚାୟତ ଅରଖପଦା ଗ୍ରାମର ସୁମତି ଶବର।ଉକ୍ତ ମିନିବସ୍ ଟି ରାୟଗଡ଼ରୁ ଗଞ୍ଜାମ ଜିଲ୍ଲା ପାତ୍ରପୁର ବ୍ଲକ୍ ର ବୁରାତାଲକୁ ଫେରୁଥିଲା।
