ପୁରୁଷୋତ୍ତମପୁର,୧୩/୧(ପ୍ରଭାକର ମହାରଣା):-ଆଧ୍ୟାତ୍ମିକ ଗୁରୁ,ସମାଜ ସୁଧାରକ,ସନାତନ ଧର୍ମର ଶ୍ରେଷ୍ଠ ପ୍ରଚାରକ ଏବଂ ଯୁବ ପ୍ରେରଣାର ଅତୁଲ୍ୟଉତ୍ସ ସ୍ବାମୀ ବିବେକାନନ୍ଦ ଜୟନ୍ତୀ ତଥା ଜାତୀୟ ଯୁବ ଦିବସ ପୁରୁଷୋତ୍ତମପୁର ତାରାତାରିଣୀ ମହାବିଦ୍ୟାଳୟରେ ଅଧ୍ୟକ୍ଷ ଡ଼କ୍ଟର ସିମାଞ୍ଚଳ ପଟ୍ଟନାୟକଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଅଛି l ଶିକ୍ଷାବିଭାଗର ମୁଖ୍ୟ ଅଧ୍ୟାପିକା ଗାୟତ୍ରୀ ଦାଶ ବିବେକାନନ୍ଦଙ୍କ ଜୀବନି ତଥା ଆଦର୍ଶ ଉପରେ ଆଲୋକପାତ କରିଥିଲେ l ଜାତୀୟ ଯୁବ ଦିବସରେ ପାଳନ ତଥା ସ୍ୱାମୀ ବିବେକାନନ୍ଦଙ୍କ ଆଦର୍ଶ ନୀତି କିପରି ଯୁବ ସମାଜକୁ ଉତ୍ତମ ଭବିଶ୍ୟତ ଗଠନ ରେ ସାହାଯ୍ୟ କରିପାରିବେ ସେହି ଉଦ୍ଦେଶ୍ୟ ରେ ଯୁବରେଡକ୍ରସର ସମ୍ପାଦକ ଏନ୍ ମୋହନ ନାଇଡ଼ୁ ସ୍ବାଗତଂ ଭାଷଣ ରଖିଥିଲେ l ଅଧ୍ୟକ୍ଷ ସିମାଞ୍ଚଳ ପଟ୍ଟନାୟକ ଛାତ୍ର ଛାତ୍ରୀଙ୍କୁ ବିବେକାନନ୍ଦଙ୍କ ଆଦର୍ଶରେ ଅନୁପ୍ରାଣିତ ହୋଇ ସମାଜ ପାଇଁ କିଛି ଭଲ କାମ କରିବା ପାଇଁ ଇଚ୍ଛା ରଖିବା ଆବଶ୍ୟକ୍ତା ଅଛି ବୋଲି ନିଜ ଵକ୍ତା ରେ କହିଥିଲେ l ଏହି କାର୍ଯ୍ୟକ୍ରମ ରେ ଛାତ୍ର ଛାତ୍ରୀଙ୍କ ମଧ୍ୟରେ ବକୃତା ପ୍ରତିଯୋଗିତା ଅନୁଷ୍ଠିତ ହୋଇଥିବା ବେଳେ କୃତି ଛାତ୍ର ଛାତ୍ରୀଙ୍କୁ ପୁରସ୍କୃତ କରିଥିଲେ l ଏହି କାର୍ଯ୍ୟକ୍ରମକୁ ଅଧ୍ୟପିକା ନମ୍ରତା ମିଶ୍ର ପରିଚାଳନା କରିଥିଲେ l
