କୁକୁଡାଖଣ୍ଡି,୨୩/୧୨(ଇ ରଞ୍ଜନ):-ପ୍ରେମିକାକୁ ରାତିରେ ଦେଖା କରିବାକୁ ଆସି ଯୁବକର ମୃତ୍ୟୁ ଘଟଣାରେ ସଦର ପୋଲିସ ୩ଜଣ ଯୁବକକୁ ଗିରଫ କରି କୋର୍ଟ ଚାଲାଣ କରିଥିବା ସଦର ଥାନା ଅଧିକାରୀ ମହେନ୍ଦ୍ର ସାହୁ ସୂଚନା ଦେଇଛନ୍ତି l ଡିସେମ୍ବର ୧୨ ତାରିଖ ରାତିରେ ସଦରଥାନା ପୋଲିସ ବାଇଗଣବାଡ଼ି ନିକଟରୁ ଏକ ଯୁବକର ମୃତଦେହ ଉଦ୍ଧାର କରିଥିଲା l ଯୁବକ ଜଣକ ମୃତ୍ୟୁ ସନ୍ଦେହ ଘେରରେ ରହିଥିବାବେଳେ ସେ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରାଯାଇଛି ସେନେଇ ସଦର ପୋଲିସ ତଦନ୍ତ ମଧ୍ୟ କରୁଥିଲା l ମୃତକ ଜଣକ ଥିଲେ ବଉଳଝୋଳିର ନିରଞ୍ଜନ ବିଶୋଇଙ୍କ ପୁଅ ଉମାଚରଣ ବିଶୋଇ lସେ ବାଇଗଣବାଡ଼ିର ଜଣେ ନାବାଳିକାକୁ ପ୍ରେମ କରୁଥିଲେ l ବିଭିନ୍ନ ସମୟରେ ନିରଞ୍ଜନ ରାତ୍ରରେ ଆସି ନିଜ ପ୍ରେମିକାକୁ ଭେଟୁଥିଲେ l ୧୨ ତାରିଖ ରାତ୍ର ଉଭୟ ଘରୁ ମିଶି ବାହାରିଥିଲେ କିନ୍ତୁ ଯୁବକର ମୃତ୍ୟୁ ହେବାପରେ ନାବାଳିକା ଜଣକ ଯୁବକର ମୃତ୍ୟୁ ହୋଇଥିବା ନେଇ ତାଙ୍କ ଘରେ ଜଣାଇ ଥିଲେ l ଯୁବକର ଦେହରେ କୌଣସି କ୍ଷତ ଚି଼ହ୍ନ ନଥିବା ବେଳେ ମୃତ୍ୟୁ କେମେତି ହେଲା ତାହା ସନ୍ଦେହ ଥିଲା l ଫଳରେ ସଦର ଥାନା ପୋଲିସ ଏସଆଇ ପବିତ୍ର ମୋହନ ଦଳାଇ ଘଟଣାର ତଦନ୍ତ କରିବା ସହ ଶବବ୍ୟବଛେଦ ରିପୋର୍ଟ ଆସିବ ପରେ ବିଦ୍ୟୁତ ତାର ସମ୍ପର୍ଶରେ ଆସି ମୃତ୍ୟୁ ହୋଇଥିବା ଜାଣିବାକୁ ପାଇଥିଲେ l ଘଟଣାରେ ପତିତପାବନପୁରର ତ୍ରିନାଥ ଦାସ , ପଦରବାଲିର ସନିଆ ଦାସ ,କିଶୋର ଦାସକୁ ଗିରଫ କରି କୋର୍ଟ ଚାଲାଣ କରିବା ସହ ସେମାନଙ୍କ ନିକଟରୁ ବାଇକ, ମୋବାଇଲ,ଵମ୍ବୋ ଷ୍ଟିକ,୧କେଜି ଜିଆଇ ତାର ଜବତ କରିଛି lଗିରଫ ତିନିଜଣ ବାଇଗଣବାଡ଼ି ନିକଟସ୍ଥ କାଜୁ ଜଙ୍ଗଲରେ ଜିଆଇ ତାର ବିଦ୍ୟୁତ ସଂଯୋଗ ସହ ବନ୍ୟ ଜନ୍ତୁ ଶିକାର ପାଇଁ ବିଛିଥିଲେ l ରାତ୍ରରେ ମୃତ ଉମା ଓ ତାର ପ୍ରେମିକା କଥା ହେବା ପାଇଁ ଉକ୍ତ କାଜୁ ଜଙ୍ଗଲ ନିକଟକୁ ଆସି ବାଇକ ରଖିଥିବା ବେଳେ ହଠାତ ବିଛା ଯାଇଥିବା ତାର ସମ୍ପର୍ଶ ରେ ଆସିଯାଇ ଘଟଣା ସ୍ଥଳରେ ଟଳିପଡ଼ିଥିଲେ l ଉମାଙ୍କ ମୃତ୍ୟୁ ହୋଇଥିବା ତାଙ୍କ ପ୍ରେମିକା ଉମାଙ୍କ ଘରକୁ ଖବର ଦେଇଥିଲେ l ଉମାଙ୍କ ଭାଇ ଧର୍ମା ଏନେଇ ସଦର ଥାନାରେ ଅଭିଯୋଗ କରିଥିଲେ l
