କୁକୁଡ଼ାଖଣ୍ଡି,୨୬/୦୧/୨୧,(ଇ.ରଞ୍ଜନ) : ଶ୍ୱଶୁରକୁ ଅପହରଣ କରିବା ଅଭିଯୋଗରେ ସଦର ଥାନା ପୋଲିସ ଜ୍ୱାଇଁ ସମେତ ୩ଜଣକୁ ଗିରଫ କରି କୋର୍ଟ ଚାଲାଣ କରିଛି । ଗୋଶାଣୀନୁଗାଁର ରବୀନ୍ଦ୍ରନାଥଙ୍କ ଝିଅଙ୍କୁ ଗୋବିନ୍ଦ ବିହାରର ଅମର ଜ୍ୟୋତି ମଲ୍ଲ ୧0ବର୍ଷ ତଳେ ବିବାହ କରିଥିଲେ । ବିବାହ ପରେ ସେମାନେ ପୁନେ ରେ ରହୁଥିଲେ.. ବିଭିନ୍ନ କାରଣ ରୁ ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ ଝଗଡା ହେଉଥିଲା । ଗତ ୨ବର୍ଷ ହେଲା ସ୍ତ୍ରୀ ସ୍ୱାମୀ ଠୁ ଅଲଗା ହୋଇ ନିଜ ବାପା ଘରେ ରହୁଥିଲେ । ଶନିବାର ମଧ୍ୟାହ୍ନରେ ରବୀନ୍ଦ୍ର ଦକ୍ଷିଣପୁର ସ୍ଥିତ ନିଜ ଧାନ ମିଲରୁ ଫେରୁଥିବା ବେଳେ ରବୀନ୍ଦ୍ରଙ୍କ ଜ୍ୱାଇଁଙ୍କ ସମେତ ୩ଜଣ ଏକ କାରରେ ଆସି ରବୀନ୍ଦ୍ରଙ୍କୁ ଅପହରଣ କରିଥିଲେ । ରବୀନ୍ଦ୍ର ଘରକୁ ଫେରିନଥିବାରୁ ପରିବାର ଲୋକ ବିବ୍ରତ ହୋଇ ପୋଲିସକୁ ଖବର ଦେଇଥିଲେ । ପୋଲିସ ଉକ୍ତ ରାସ୍ତାରେ ମହାରାଷ୍ଟ୍ର ନମ୍ବର ଥିବା ଏକ ଗାଡିକୁ ଯାଞ୍ଚ କରିବା ବେଳେ କାରରୁ ରବୀନ୍ଦ୍ରଙ୍କୁ ଉଦ୍ଧାର କରିଥିଲା । ରବୀନ୍ଦ୍ରଙ୍କୁ ତାଙ୍କ ଜ୍ୱାଇଁ ଅପହରଣ କରିବାକୁ ଚେଷ୍ଟା କରିବା ସହ ତାଙ୍କୁ କିଛି ଅର୍ଥ ଦାବି କରିଥିଲେ । ରବୀନ୍ଦ୍ର ଏଥିରେ ରାଜି ହୋଇଥିବା ନେଇ ସଦର ଥାନାରେ ଅଭିଯୋଗ କରିଥିଲେ.। ପୋଲିସ 26/21ରେ ମାମଲା ରୁଜୁ କରି ୩ଜଣ କୁ ଗିରଫ କରି କୋର୍ଟ ଚାଲାଣ କରିବା ସହ କାରକୁ ଜବତ କରିଥିବା ଥାନା ଅଧିକାରୀ ସନ୍ତୋଷିନୀ ଓରାମ ସୂଚନା ଦେଇଛନ୍ତି ।
