ବାଲିଗୁଡ଼ା,୨୬।୧୨(ଡି.ଏଚ/ସୁରେଶ ପଣ୍ଡା ) : ବିଜେଡି ସୁପ୍ରିମ ତଥା ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆହ୍ବାନ କ୍ରମେ ସାରା ରାଜ୍ୟରେ ବିଜେଡି ପ୍ରତିଷ୍ଠା ଉତ୍ସବ ପାଳନ କରାଯାଉଥିବା ବେଳେ । ବାଲିଗୁଡ଼ା ବିଧାନସଭା ମଣ୍ଡଳୀର ତୁମୁଡିବନ୍ଧ ବ୍ଲକ୍ ଠାରେ ମଧ୍ୟ ବିଜେଡି ପକ୍ଷରୁ ପ୍ରତିଷ୍ଠା ଉତ୍ସବ ପାଳନ ହୋଇଯାଇଛି । କାର୍ଯ୍ୟକ୍ରମ ମୁଖ୍ୟ ଅତିଥି ଭାବେ ବାଲିଗୁଡ଼ା ବିଧାୟକ ଚକ୍ରମଣି କହଁର ଯୋଗ ଦେଇଥିବା ବେଳେ , ବାଲିଗୁଡ଼ା ବ୍ଲକ ସଭାପତି ଶ୍ରୀ ଟୁନା ଦାସ, କୋଟଗଡ଼ ବ୍ଲକ ସଭାପତି ବାଲେଶ୍ଵର ନାୟକ , ନୁଆ ଗାଁ ବ୍ଲକ ସଭାପତି ବାସୁଦେବ ପଣ୍ଡାଙ୍କ ନେତୃତ୍ବରେ ଶତାଧିକ ବିଜେଡି କର୍ମୀ ଉପସ୍ଥିତ ରହି ପ୍ରତିଷ୍ଠା ଦିବସକୁ ପାଳନ କରିଛନ୍ତି । କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବିନ ପଟ୍ଟନାୟକଙ୍କୁ ଲୋକାଭିମୁଖୀ କାର୍ଯ୍ୟକ୍ରମ ପାଇଁ ଆଜି କନ୍ଧମାଳର ବିକାଶ ହୋଇଥିବା ବଖାଣିଛନ୍ତି ବିଜେଡି କର୍ମୀ । କାର୍ଯ୍ୟକ୍ରମରେ ସମସ୍ତ ବିଜେଡି କର୍ମୀ ଓ ନେତା ବିଜେଡି ସୁପ୍ରିମୋ ସପ୍ନକୁ ସାକାର କରିବାରେ ବାଲିଗୁଡ଼ା ବ୍ଲକ ସଭାପତି ଶ୍ରୀ ଟୁନା ଦାସ ଯେଉଁ ଭୋଳି କାର୍ଯ୍ୟକ୍ରମ କରିଆସୁଛନ୍ତି ତାହା ଅତି ସ୍ୱାଗତଯୋଗ୍ୟ । ସମସ୍ତେ ଏହିଭଳି କାର୍ଯ୍ୟକ୍ରମ କରିଲେ ଦଳ ଆଗକୁ ଦୃଢ଼ ହେବ ବୋଲି ମତପ୍ରକାଶ କରିଛନ୍ତି ବିଜେଡି କର୍ମୀ ।
